لا عجبهم اصلي الفجر حاضر والتكلم في السياسة والدين ولا عاجبهم اشرب سجاير و أكلم حريم ودي حكاية يوم الخميس بالليل بشاير الجمعةالجو العام:غرفتي الساعة 4 بالتوقيت الصيفي النور مطفي و نايم في أمان الله
بابا: الورقة دي بتاعتك
أنا: أستني ألبس النضارة
.........بابا:مش ده خطك أنت حتستهبل يا
أنا:طب ليه الغلط علي الصبح هو خط كوكاين
أنا:طب ليه الغلط علي الصبح هو خط كوكاين
بابا: ألعن بتتكلملي عن العلمانية والسياسة الداخلية و آل أيه هل العلمانية اباحية أم محاولة لمواكبة الحضارة الأوروبية أم أغتيال للثقافة الأسلامية أم أم أم جبت الكلام ده منين
أنا: كمل يابابا حتلاقي في الآخر لتكن ما تكون اتركو لي حياتي اليومية! لقيتها
بابا:انت حافظلي 3 ورقات يعني معملتهاش في مذاكرتك
هنا كان دور ماما لتهدأت الأوضاع كعهدي بها
ماما:حتلاقيه بيرددها في المظهرات و الكلام ده أنت شكلك صعت أنت أخوان يالا
أنا:أخوان مممممم علبة السجاير في المكتب و تكيت حماقي في جيب المنتلون
(ماما:تكيت يا خراب بيتك يا......(اسم امي
(بابا:تكيت ياعني تذكرة يا(أسم امي تاني
أنا:مش المفروض انام
بابا:اتخمد بس أوعي اشوفك بتكتب تاني
أنا: يعني ابصم بعد كدة مع ابتسامة غويطة
بابا:اديني قلتلك وكمان انت حد غيرك مش دي تربيتي ،مش الي علمتهولك ده يابني خلي دماغك كبير عايزنها عربية أهي زي مهيا عايزنها انجليزية اعوج لسانك شوية انشاله يخلوها يهودية مفهاش حاجة لو اتعلمت العبرية وحتمشي ومش حتقف
ماما:زي ما ابوك بيقول
المهم بعد توبيخ دام لأكتر من نصف ساعة متواصلة انتهت كالعادة بمشادة كلامية بين الوالد والوالدةعلي حوار من 3 سنين اتعركو علية 100مرة أبل كدة
انا قلت أسبهم يمكن يكونو زهقو من العراك في القوضه عندهم اسبلهم القوضة يغيرو فيو
الصالة:حالة من الهبد و الرزع(الطوفان الطوفان الطوفان الطوفان حجريكو واحد واحد يا نور يا ولاد..........احنا العمالقة)زيزو ابن الجيران طبعا مستخدما جيوبه الأنفية كخلفية موسيقية لكمية السب الي في الأغنية اهله سافرو وسابوه يرازينا احنا
المهم قلت اكمل نوم ليلة باينة من اولها
زاد استخدام زوز لجيوبه الأنفية لدرجة استدعت باقي السكان للأستفسارعن هل هذه لحمية ام مشاده كلامية بين 2 عربجية
مما استدعاني لأعطاءة رنة علشان يلم الليلة و ميوديناش في داهيةاصلي انا الي باعتلو الأغنية وده عيل يقول علي طول
طبعا حمامة النوم راحت تلحق حمامة السلام الي طارت من شوية واصبح معايا حمامة واحدة الصبر قلت اطلعلي البلكونة اشربلي سجارةلحد صلاة الفجر و لسة باخد اول نفس سمعت الصوت المعهود طششششششششش من بلكونة ماما
انا:مش كل مرة تطفهالي بنفس الطريقة وكمان لو عيزاني اطفيها بمجرد اني حشوفك حارميها مش لازم كل يوم اغير هدومي و كمان مبيجليش البرد الا من عاميلك دي
تقريبا كلمة اشوفك ارميها و البرد و السقعة ارجعت لها الأحساس بالأمومة
........................... ماما:خش غير البحر عالي والدنيا برد اتنيل خش واياك
و هي ماشية وبتعدي no comment : أنا
