مدام حنموت عايشين ليه؟
مطروح للمناقشة
بمعني
لو قلتلك اني حقبلك بكرة في المكان (س)
بس انا مش رايح
حتروح تستناني
نفس الفكرة
كلنا حنموت حقيقة لا مفر منها
طب ليه بنسعي و را الحياة
ليه كل همنا اننا نعيش
ليه بنسرق بعض
و بننصب علي بعض
و بنستعبد بعض
ليه مبنحبش بعض بجد
ليه بنافق بعض علي الملاء
ليه ليه ليه.....................
الموضوع ملهوش اي علاقة دينية علشان محدش يقلي انت شيوعي ولا مستجاني متتطرف
انا عارف طبعا اننا اتخلقنا علشان نعبد ربنا
بس لو دي الاجابة بس يبقي الي من غير دين انقرضو من زمان مهم معندهمش ربنا اساسا
13 comments:
اسألك سؤال غبى
وافرضض اننا اقتنعان ان ملوش لزمه نعيش هنعمل ايه؟
مهو برضه هنعيش
الموضوع مش دعوة للتشائم ولاحاجة
الموضوع ان ربنا وضع فينا غريزة زي اي غريزة وهي حب الحياة
زي الاكل و الشرب والتزاوج مكل دي غرايز و برده الأفراط فيها بيأدي لأمراض
الحياة برده الأفراط فيها بيأدي الي امراض
فيه قصة كده مش فاكراها أوي
بس تقريبا كان بتقول إن فيه خادم في منزل مكنش بنظف حذاء سيده أو مش بيرتب المنزل مش فاكرة بالظبط بحجة أنه لو نظفه أو رتبه هيتبهدل تاني
وبعدين هو جاع فسيده قاله ايه فايدة أنك تأكل مادام هتجوع تاني
البشر زي ما بتقول فيهم غريزة حب الحياة
المشكلة بقى أنهم بقوا يحبوها أوي زيادة عن الللزوم لدرجة أنهم نسوا تقريبا أنها محطة وخطوة لحياة أخرى أبدية
فبقوا بيسرقوا وينافقوا وكده
السؤال بتاعك مؤشر مش كويس سؤال لاقط ريحة العلمانيين لكن أنا حاجاوبك عن سؤالك ,,الأصل فى انك تعيش الحياة بدون وجع دماغ ولا أسئلة تنغص عليك عبادتك لله هو الايمان المطلق بالله وبحكمته وان عقلك مهما بلغ مش حيقدر يجمع قطع البازل كلها لأن فيه قطع ناقصة حتلاقيها يوم القيامة وقتها حتكتمل الصورة انت بدل ما تسأل نفسك السؤال ده وتتعب اسال نفسك سؤال مهم وله اجابة مؤكدة قول لنفسك يا أنور انت درجة ايمانك أد ايه؟ اديها نسبة مئوية لو مش مائة بالمائة تبقى محتاج وبسرعة تجدد ايمانك بالله سبحانه وتعالى ,,العقل تعب معانا وهو مخلوق للتفكر فى خلق الله وادراك الله مش مخلوق عشان يناكفنا او بمعنى ادق نناكفه ,,أشكرك جدا على كلامك ليا ويشرفنى زيارتك واعتز برأيك ويا ريت تقرا موضوعى عن نظرية الغربال وربنا يرضى عنا جميعا اللهم آمين
اه نسيت اقولك ان مدونتك شيك وجميلة بس يا ريت تغير القالب لأن فيه صلبان على اليمين بس تلاقيك مش واخد بالك عشان واخده هاف تون ,,واشهد ان لا اله الا الله وان محمدا رسول الله
الأخت مجداوية
شكرا علي التعليق وشكلك كنت مستعجلة فمكملتيش البوست
لأنك وصلت لنفس نقطة الخلاف
الموضوع معروف ان الحياة و الأرض وكل حاجة علي وجه الكون مخلوقة لعبادة الله
قال تعالى: أم كنتم شهداء إذ حضر يعقوب الموت إذ قال لبنيه ما تعبدون من بعدي قالوا نعبد إلهك وإله ءابائك إبراهيم وإسماعيل وإسحاق إلها واحدا ونحن له مسلمون(133) البقرة
طب انا و انت و ناس كتير عايشين و صبرين علي تعب الدنيا و راضين بهنها و سعادتها تفاءولها و تشئومها علشان مؤمنين اننا سبب خلقنا هو عبادة الله سبحانه وتعالي
علشان كدا بناخف منه و بنخاف عذابه يوم القيامة ومن قبله عذاب و القبر و الخ
طب الملحدين و الذين لا دين ولا ايمان
فكرك انت بقي اه الي مصبرهم علي (الدنيا)الي هي سميت دنيا لأنها دنيا سفلي يعني
نوضح اكتر
يمكن علشان بيلاقو فيها ملاذتهم
يمكن علشان (بيحبوها)رغم انفها
و ده للي معندهوش عقيدة مهما كانت
يمكن يكون عايش لهدف سامي
يمكن يمكن يمكن
ويستمر السؤال بدون علامة استفهام
اما عن الصلبان فانا فعلا مكنتش واخد بالي منها
و ممكن اغيرها حفاظا علي مشاعر اخواتي المسحين
لأنها صلبان مقلوبة(:و يتهيألي علي حد علمي ولك جزير الشكر للتصحيح انها اساءة لشاعرهم الذي دام بجانب الهلال في لحظات النصر و النكسة
أنا مكنتش مستعجلة بس ده زوق منك بدل ما تقول انى مفهمتش البوست لكن عندك حق أنا مفهتش البوست أول مرة لكن زى ما قولتلك أنا شرحت حالة الملحدين فى مدونتى تحت عنوان نظرية الغربال .. ولا بلاش افتح الموضوع ده ليكون برضه مش ده المقصود على العموم أنا حاقتبس منك حتة الزوق دى وبدل ما اقول لحد انت مش فاهم حاقوله انت باين عليك كنت مستعجل بس لو كان الحوار مباشر ومفهمش اعمل اييييييييييه ؟؟؟أه ,,حاقول اظاهر حضرتك مستعجل ومبتفهمش هههههههه .شكرا لك وسامحنى كنت مستعجلة ومخى حرن هههههههه ,,ما شاء الله استشهادك بالقرآن الكريم والله أثلج صدرى ربنا يبارك لك يا أنور
السلان عليكم
اولا انا بعترض علي قولك
((((( الموضوع ملهوش اي علاقة دينية علشان محدش يقلي انت شيوعي ولا مستجاني متتطرف)))))))
واعتقد إن التعبير خانك في هذا الامر
لأن ليس كل من يكتب في الدين شيوعي او متطرف او إرهابي....ولا يتهمه احد بذلك....والا كان سفيها
وبصراحة الموضوع مينفعش يتناقش الا من واجهة الدين بس....
لأن الله عز وجل قال
(( وَمَا خَلَقْتُ الْجِنَّ وَالإِنسَ إِلَّا لِيَعْبُدُونِ ))
احنا عايشين عشان نعبد ربنا...والعبادة ديه بتدخل في كل حاجة
يعني اكلك وشربك ونومك وشغلك ودراستك...وحتي لعبك للكورة
لو جبت فيه نية العبادة والطاعة هتبقي لحياتك معني وهتقدم لأخرتك خير إن شاء الله
بص يا انور
الموت دا زي إمتحان سهل اوي...الاجابة بتاعته موجودة في الدنيا..والاجابة اسهل مما يمكن
لو تعبت نفسك حبة صغيرين اوي هتبقي مزاكر حلو وتخش تحل الامتحان وتنجح إن شاء الله
هي ديه ببساطة قصة الحياة والموت
وليه احنا عايشين وعارفين إن احنا ميتين
مجداوية
فعلا الموضوع اه هدف الملحدين و الديانات العشوائية وسوري علي التعبير في الحياة
عايشين ليه
اكيد في حاجة تصبرهم هما كمان
الراقص مع الذئاب
بجد شرف ليا انك تشرف المدونة
1-انا اسف خاني التعبير في ان الموضوع ملهوش اي علاقة دينية
كان قصدي اني من المؤمنين بالله و بأني عايش علشان اعبد ربنا و هي دي الحاجة الوحيدة الي تساوي فيها كل البشر في الاتحة يعني في واحد ممكن يصرف و غني و التاني فقير وواحد سعيد و التاني فقير
بس عبادة الله مفهاش تعب
مشلول صلي و اعبده و انت علي السرير
صم وبكم ربك رب قلوب
معاق ذهنيا انت برهان من براهين ربنا علشان يقوي ايمان واحد تاني
بس
اولا : جميل جدا انك غيرت الخلفية وملاحظتى مكنتش عشان الصليب مقلوب أو معدول وده يضايق المسيحيين وممكن يؤثر على الوحدة الوطنية واتحادالهلال مع الصليب والكلام بتاع الانتخابات ده ,,لا , ,,طبعا ملاحظتى عشان انت مسلم ومينفعش تكون مدونتك على خلفية بتظهر رمز بيخالف دين الله الحق ,وأما ثانيا : فموضوع ليه الملحد عايش وايه اللى بيخليه يكمل ,,لأن الانسان أساسا كائن مغرور ومغتر جدا بعقله والأصل فى الاسلام ان الانسان المغرور ده يبقى عبد وذليل وانفه فى الآرض لكن مش لبشر كما يحدث بين البشر لكن عبوديته دى لله ,,الملحد رفض العبودية دى وبيستمر فى حياته تحدى لاثبات غروره وعنجهيته وبيستمر آملا انه يكون على حق ويحصل المستحيل ويثبت عدم وجود الله لكن المسكين بيعيش لنفسه ويموت خسران نفسه وهو مش متأكد من حاجه لأن الانسان سواء ملحد أو مسلم أو بيعبد حتى كرة البنج بونج لما بيقع فى كارثة بيقول يا رب حتى لو بينه وبين نفسه لكن الفرق بينا وبينه اننا بنقولها بيقين لكن هو بيقولها مضطر وبشك وبيرجع فيها أول الأزمة ما تعدى قال الله تعالى ,,واذا انعمنا على الانسان اعرض وناى بجانبه واذا مسه الشر فذو دعاء عريض
اذا كنا احنا عارفين ليه ربنا خلقنا ومطمئنين للسبب هو عايش فى ضنك وكتير منهم مش بيستحمل حياته وبينتحر أو يدمن المخدرات ,,متصدقش ابدا انه سعيد رغم انه ممكن يكون عنده كل ملذات الدنيا لكن حياة القلق بتنهشه من الداخل,, قال الله تعالى : ومن اعرض عن ذكري فان له معيشه ضنكا ونحشره يوم القيامه اعمى ,,الحمد لله على نعمة الاسلام وكفى بها نعمة ,,رغيت كتير قول رغيت ولا اه صحيح انت زوق جدا مش حتقولى الا انى كنت مستعجلة ههههه
حلوة اوي المناقشة دي
هية فكرة عايش ليه و حتعيش لحد امتى و مستحمل الدنيا ليه
اعتقد دي بوادر فكر انتحاري و عدم رضا عن النفس و فيها لمجة ياس
الموضوع بالنسبة لي عالاقل مالوش غير دافع ديني
لانك لو راضي عن نفسك و ناجح في الدنيا و مؤدب و بتحترم الناس و كل حاجة حلوة بس مش على علاقة كويسة بربنا حيجيلك احباط زي في سويسرا من كتر النجاح و الغنى بينتحروا يا عيني
لكن لازم النجاح يكون معاه نية العبادة عشان يبقى فيه هدف اكبر من الدنيا يعني الدنيا دي مرحلة و التصفية النهائية في الاخرة يعني كل ما تعيش لازم تجمع ثواب وحسنات و لو ناجح تنجح اكتر عشان تجمع score اكتر و لو حتى عندك ياس و احباط بس عندك ايمان باي دين حيبقى عندك امل انك تدي اكتر و تحاول عشان ترضي ربنا و تعدي المرحلة دي
بحييك على مناقشاتك و افكارك
و حلو اوي البوست الي فات الي مردتش عليه
تحياتي و بالتوفيق دايما
شيماء
فعلا الواحد من غير ربنا بيحس بالملل
انا لما بستهبلو افوتلي فردين في اليوم لفترة بحس بحزن ز يأس شديد مهما كانت نجاحاتي و علي النقيض لما بتعمق مع ربنا اكتر وزي مع اكثرنا بيعمل في وقت الشدة بنبقا ععايزين نعيش علشان ننجح بجانب ربنا
احيكي فعلا
يعي رايك النجاح سعات بيبقي الدافع للأيس من غير ربنا
السلام عليكم
عزيزي احنا فعلا اتخلقنا علشان نعبد الله بس كمان لو ما كان فيه المنافقين والكدابين والي بياذو وكل الي ذكرتهم والي مخليين الحياه تتجه باتجاه تاني غير الي الله خلق البشرية منشانو كان مافي داعي للجنة والنار صح؟؟؟؟
لذلك للازم يكون في صالح وفي عاطل علشان يكون في مجال منافسة
متل تمام حالة السوق مافي دايما ربح ومافي دايما خسارة ليش لانو في شي تاني اسمو العرض والطلب الي همة متل الخير والشر بيزيدو وبينقصو وبالتالي بياثرو عالسوق
وتحياتي الك وشكرا عمرورك مدونتي
حنان شلبي
Post a Comment