تعدي الدقة والثانية تضيع سانية ورا سانية وتدبل وردتي في ايدي كأني لوحدي في الدنيا
(مجروح صوت السعات)
ده اسمه ظلم
(مجروح صوت السعات)
ده اسمه ظلم
احنا الي بنجرح نفسينا
عايزين كل حاجة في وفت واحد
بس انا حقول لأ
انا اخترت ده
وبأديا
عايزين كل حاجة في وفت واحد
بس انا حقول لأ
انا اخترت ده
وبأديا
علشان اعرف احافظ علي ده
ويولع ده
المهم اوصل لده
منظلمش نفسينا و نرمي كل حاجة علي الدنيا
ونقول هي الي عملت فينا كدا
احنا الي بنتحكم في نفسينا
دايما ظالمين الدنيا يوم متلطش معانا نشتمها ويوم متيجي في صفنا نقول ده حظ
لأ
انا حقولها لأ
لا انتي الي بتديني ولا انتي الي بتخدي مني
انت جماد بيتحرك بقدرة الله
مفيش بأديكي حاجة
مش حشتمك تاني
ولا حبوسك تاني
حرضا بقدر ربي
و حشكر ربي
و حرضا بقراري و حتحمله
مش حظلمك تاني ولا حديكي اكتر من حقك
انا الي بختار بأديا ومحدش بيضربني علي أيدي
و انا اخترت اني ابقي كدة
ومش حغير نفسي الا لما اقتنع
مش علشان انت حتجبريني باساليبك اني ابقي غير كدة
انا كدة ومعنديش غير كدة
ونقول هي الي عملت فينا كدا
احنا الي بنتحكم في نفسينا
دايما ظالمين الدنيا يوم متلطش معانا نشتمها ويوم متيجي في صفنا نقول ده حظ
لأ
انا حقولها لأ
لا انتي الي بتديني ولا انتي الي بتخدي مني
انت جماد بيتحرك بقدرة الله
مفيش بأديكي حاجة
مش حشتمك تاني
ولا حبوسك تاني
حرضا بقدر ربي
و حشكر ربي
و حرضا بقراري و حتحمله
مش حظلمك تاني ولا حديكي اكتر من حقك
انا الي بختار بأديا ومحدش بيضربني علي أيدي
و انا اخترت اني ابقي كدة
ومش حغير نفسي الا لما اقتنع
مش علشان انت حتجبريني باساليبك اني ابقي غير كدة
انا كدة ومعنديش غير كدة
16 comments:
فعلا كلامك مظبوط أحنا اللي بنختار وأحنا اللي بنقرر
ازيك يا ابنى يا أنور ان شاء الله تكون بخير وتكون حالتك كدااااااا
طالما انت كدا ,,طيب مش تقولنا كدا ازاى يعنى ؟ ما علينا ,بص يابنى الانسان مخير نعم لكن ميسر برضه بمعنى ربنا قال : ونفس وما سواها ألهمها فجورها وتقواها قد أفلح من زكاها وقد خاب من دساها ,,صدق الله العظيم فى الحالة دى الانسان مخير تماما انك تكون كويس أو وحش ده اختيارك انت وربنا هداك هداية اولى ودى بيشترك فيها كل البشر كافر ومؤمن وهى انه عرفك ان فيه ربنا وبعد كده انت مع نفسك ودى اسمها هداية الدلالة لكن لو اخترت الخير حيعينك عليه ويساعدك ودى اسمها هداية المعونة ,,أما الانسان فميسر فى أمور تتعلق بالموت والحياة والرزق انت مخترتش ميلادك ولا تقدر تختار رزقك ولا حتقدر تختار موتك عشان كده اللى بينهى حياته بنفسه بيعتبر كافر فانت ما عليك غير انك تبذل ما تسطيع والباقى على الله ومتتغرش وتقول أنا اخترت كده وحتبقى كده لأنها مش كده اقولك مثال واحد رايح مثلا يستلم وظيفة وكل الشروط متوفرة فيه ومتأكد ان حيستلم الوظيفه وبعدين يحصل اى ظرف قدرى ومتكنش دى وظيفته يبقى ماخترش حاحه أهه ومثال تانى لو بتحب واحدة وهى بتحبك وقررت انك تتجوزها ومتوفر فيك كل طلبات الأهل وبعدين برضه يحصل أى شىء غير متوقع ومتمش الجوازة يبقى هنا برضه ماخترتش ,,هى باختصار بعد الرغى ده كله ,أنت تريد وأنا اريد والله يفعل ما يريد ,,اعقلها وتوكل
مجداوية
لاول مرة اكون معاكي
بنفس منهجك
بس حطيت حتة من منهجي
انت واخدة فكرة عني اني وحش
وي وي وي وي
و الفكرة دي بتتاخد عن اي واحد بيقول الحقيقة
انت مخترتيش يبقي عندك بنوتة بس اخترت
حاجة تجن صح
هي موضوع ميكس اوي
انت اخترت الجواز مخترتيش حياة مهنية مثلا
انك تخلي حياتك للشغل
فربنا كرمك بطفل بس هنا غزبن عنك بنت
ارادت ربنا ملهاش حل في اديكي
انت ربتيها تربية كويسة طلعت صالحة بأذن الله
مش ممكن تلومي حد اناها بنت
بس ممكن في يوم من الايام تلومي نفسك انك اتجوزت و خلفتي
(تلومي نفسك)مش حد تاني
للأسف كلنا بنلوم الدنيا و بنشكرها علي حجات عملناها بأدينا
معن الدنيا ملهاش حق تتشكر انها هدتك بنت صالحة عروسة زي القمر
انت الي اتجوزت و اخترت الجواز
و ربنا الي كرمك ببنت مش ولد
و برده ملهاش لازمة تتشتم انها مثلا اديتك ولد عاق ولا اديتك ولد ولا مدتكيش
كل حاجة بنشتم الزمن و الدنيا و الايام
و بننسا قرارتنا و أخطأنا
الموضوع مش انا اه و العياذ بالله من قولت انا
الموضوع انت و انتي اه
اخترت اه و حتتحمليه ليه
و أده ولا لأ
انا اخترت ابقي وحدي في اليل علشان علشان علشان
مش حاجي في يوم ااقول يقطع الزمن و الايام الي مخلتنيش اتجوز ولا احب ولا ولا زي نماذج حية من كلامها ده اثرت فيا كان المفروض معملش زيهم واحري ورا الفلوس و الا المنصب و أسيب السعادة و الأطفال و زينة الحياة و السند و الحبشتكنات دي
انا بقول للكل لأ انا حختار ده علشان ده علشان ده و حفضل زي منا حدبح اي حد يقرب يحبني ولا يدخل في حياتي
وحستحمل نتيجة اختياري
مش حشتم ولا حشكر الزمان
حشكر ربنا و حرضا بقضاءه وقدره
شوف يا سيد الناس
فى حديث قدسى ربنا قال لا تسبوا الدهر فأنا الدهر ,فاللى بيلعن الزمن بيسب والعياذ بالله الله سبحانه وتعالى من غير ما يدرى وبعدين مين قالك انى واخدة عنك فكرة وحشة أوى أوى أوى هى أوى واحدة بس ههههههههه لا بجد انت لو وحش مكنتش دخلت مدونتك وعلقت على كلامك وناقشتك فيه الاختلاف فى الرأى لا يفسد للود قضية وكمان أنا واحدة عضمة كبيره من جيل تاااااااااااانى وفيه فرق سن وخبرة بالحياة أد عمرك مرتين وانت فعلا زى ابنى والاختلاف طبيعى لفرق الأجيال ولكن انا فاكرة نفسى كويس جدا لما كنت فى سنك رغم اختلاف الحياة وقتها عن دلوقت وكمان شغلى بيخلينى أقابل شباب زى الورد زيك وفى سنك وبحاول افهم منطقهم لكن أنور الصح عمره ما بتغير على مر الزمن الصح صح من اول الخليقة لحد دلوقت اللى اختلف هو شكل الغلط وعرضه واساليبه لكن برضه الغلط معروف انت ربنا يبارك فى عمرك قدامك حياة وسنين طويلة تعرف وتكتشف وتحدد اولوياتك لكن عندك ميزة مهمة جدا اوعى تتخلى عنها وهى دى برضه انك قدامك حياة طويلة ان شاء الله متستناش لما تعجز وتبتدى تعمل الصح ربنا فضل الشاب الطائع لله عن العجوز الطائع لله لأنه افتراضيا اختار انه يعيش سنين طويلة كلها طائع لله مجاش زى العجوز فى الوقت الضائع والتزم وافتكر ,وأنت أحسن منى وبأفرح بصراحتك مع نفسك ومع غيرك ومش بتحاول تتجمل أو تظهر انك واد فت ومفيش زيك ,,انت نموذج جميل للصدق مع النفس وربنا ينورلك طريقك ويبعد عنك كل شرور الدنيا وشر الناس والنفس ,,اللهم آمين
اللهم آمين
ana wyak ya malm
انتم عارفين فكرتوني ببعض المذاهب الاسلامية اللي قعدت سنين تناقش موضوع الانسان مسير ولا مخير ..
اكيد زي ما انتوا قلتوا في حاجات احنامسيرين فيها وفي حاجات احنا مجبرين فيها اللي بنسميها المقدر والمكتوب
لكن الاشياء اللي انسان مجبر فيها بيختلف تاثيرها من انسان لاخر , اقولك مثل يا انور واحد عنده مرض خطير او فقد لاحد الحواس الهامة اكيد ده انسان تاثير الاقدار في حياته حاسم بينما في المقابل انسان فاشل في حياته فهو اللي اختار طريق فشله بارادته وهكذا في حاجات كتير
انا بشوف الحياة اشبه بامتحان ممكن يكون سهل وممكن يكون صعب لكن الامتحان الصعب فيها بيكون عليه تقدير اكير من اللي خلقنا
تقبلي مروري
ايوة احنا اللى بنظلم الدنيا
وبنعملها شماعة لغلطاتنا
مهما حاولنا نفهم الحياة ونوصل لها بمعنى مش حنقدر لان دة من رابع المستحيلات إسألنى انا بس بجد تعبيراتك جامدة وكمان الصور أجمد لانها اكبر تعبير من اى كلااام مهما كاااااااااان
سانية ورا سانية ????
:)
السلام عليكم
بجد بس الله ما شاء الله عليك
عرفت تجسم الموضوع بالصور كويس جدا
وكمان كلامك صح
لان احنا اللي بنققرر هنعمل ايه ومنعملش ايه
واحنا اللي بنختار حياتنا مش حد تاني
تحياتي ليك ونورت مودوني
مرحبا
ان شاء الله بس اتكون قد كلامك وما ترجع ترمي عالدنيا همومك وتكون قد المسؤولية لتحملها لوحدك وتعترف انو كلو من ايدك وليس من شيء اخر
واذا انت حتعمل هيك بهنيك لانو هاي قوة منك يا انور
وتحياتي الك
حنان شلبي
شاب اسكندراني
اولا سلامي لأبن جهتي
ودا شرف ليا انك تكون معايا
الفارس الملثم
الهم اني لا اسألك رد القضاء لكني اسألك الطف فيه
طبعا قضاء الله لا رجع فيه
بس مش معني كدة اننا نستسلمله
ربنا بياخد النظر و بيدي الاحساس
بياخد السمع و بيدي الفطنة
بياخد طرف بيدي توازن
سبحانه و تعالي مبيظلمش حد
الهم نجحنا يا رب في جميع الامتحانات السهل و الصعب
raspoutine
لحد امتي بقي حنفضل نظلمها
لازم كلنا ننضم لحركة لأ
ظلمنا للدنيا ظلم لنفسنا
لأننا مبنعترفش بغلطنا يبقي مبنتعلمش
دعاء مواجهات
مين يقدر يفهمها دي
غريبة
يوم الحزن تلاقيها سعيدة و بتسعدك معاها
ويوم السعادة تلاقيها بتعكنن عليك
لا يحنن قلبها دموعك
ولا نيمها سهرك تفضل جنبك جنب رجليك
غريبة ولا لأ
شكرا ليكي كتييير
المنفي
دقات الساعة هي الدليل علي الحياة
رغم قلة حيلة الثانية
الا لا بترجع ولا بتتقدم
برده لا بأديا ولا بأديك
شاب نفسه يحقق حلمه
تسدق انا كمان نفسي احقق حلمي
شكرا لانضمامك لحركة لأ
حنان شلبي
القوة دي بنستمدها من غلطتنا
بس علي رأيك يا رب ميكنوش كلمتين وخلاص
تحياتي
عندك حق الدنيا فعلا ملهاش ذمب في حاجة
كل لا تقدر تفرحنا و لا عندها قدرة تبكينا
احنا بس اللي بنرمي عليها لك الاعذار معنها مجرد حاجة معنوية احنا اللي بنحركها
كلماتك رااائعة تنم عن عقلية متجددة
تحياتي
Post a Comment