السلعة بالمفهوم الخاطيء؟
اولا
صراحة انا الي غبي
المواطن المصري مش رخيص هو غالي
بس زي اي سلع ثانية
محططلو ليمت وستج يعني( نافق)
يعني مش مهم يموت في اليوم كام واحد
الف في عبارة
كام واحد علي كرنيش اسكندرية كام اتوبيس علي الصحراوي ولا الزراعي ولا الساحل اشطة
و لما ركزت لقيت بعد كل كارثة بيتوستج فيها كتير بيلمو الليلة شوية علشان اليميت الي محطوط لعدد النافق ميزدش
ودي تجاريا بتعتبر خسارة
في مزارع الفراخ المعقول و الي ميقلقش علي كل الف فرخة كل يوم 2 و لا 3
ثانيا
المواطن المصري و بالأخص في اجمل و اعزب مراحل حياته
بيعتبر سلعة جيدة للتصدير
بيتزود بيها ميزان المتحصلات و بيقل بيها ميزان المدفوعات للدولة وده طبعا للحفاظ علي شكل الميزان التجاري الدولي للدولة يبقي متوازن و زي الفل
وده بيبان في فترة الاجازات في معظم مطارت الجمهورية العدد الهائل للشباب المتردد علي البلد
الغريب في الأمر ان الشاب المصري زي اي سلعة اخري قبل ميتصدر رسمي بيمر بفوحصات و بيخلصلو ورق زي ورق الجيش مثلا
و برده بيتصدر برا و بحرا و جوا
و في منهم الي بيتهرب علي مراكب
و الي بيطلع بأنفويس
يعني الشاب المصري يتشابه جدا مع اي سلعة تصدر عالميا
من تاريخ صنع(سنة التحرج)مثلا
و جودة فرز اول ولا ثاني ولا ثالث(التقدير مقبول،جيد)مثلا
بس ملهوش نفس درجة الحماية الي بتفرضها الحكومات علي السلع الي بتتصدر خارجيا
لذلك ارجو لو انا سلعة للتصدير
و اتكتبلي اتباع مبقاش وستج قبل مخلص مراحل انتاجي(منا لسة مخلصتش كلية)والا خدت ختم الجيش واستوفيت اوراقي الرسمية
ان تشرف عليا وزارة التجارة الخارجية لحين وصولي الي الأراضي المكتوبة عليا
7 comments:
ايه ده
ضلمتها اوووي
اكتر ما هي ضلمة
بس بجد احيك على الفكرة
بالرغم من اننا لم نعد سلعة جيدة الصنع
لم نعد ساوي الكثير في سوق الرقيق
سلام
وليد
انا اسف اني اعمم اننا كلنا بقينا سلعة
بس لو مصري واحد رضا انه يتعبي في مركب
في البلاد المتخلفة مبيبعو فيها سمك في السوق علشان يعدي بيها بحور
يبقي احنا سلعة
شكرا لييك
كل عام وأنتم بخير
اللهم تقبل منا صيامنا وقيامنا وركوعنا وسجودنا
رمضان كريم
وليد
انا عن نفسى ولا اانفع اتصدر ولا اتباع ولا اى حاجه
انا سلعه متكحرته غير صالحه للاستخدام
عديت ال21 سنه ولسه فى 3 تجاره
ومفيش شغل يسند الدبلره اللى شغال فيها دى
ولا فى حتى هبل اسمه الحب والكلام ده
يعنى من الاخر سلعه ملهاش غير انها تتركن على جنب لحد ما ربنا يكرمها
والله ما عارف اقولك انت قلبت على الواحد المواجع
شكرا يا عمونا
تسلم ايدك
7akwina
اه نظرة اليأس دي
مش قصدي خالص
لسة العمر طويل
ومحدش يعرف الخير فييين
و الرزق بتاع ربنا مش بتاع حد
اتصدرت بقي متصدرتش الي مكتوبلك حتشوفه
where you come from!
وصلتها
Post a Comment