ححكي و أقول
ليلي لو كان حزين بيعدي و بطوله
يطلع نهاره عيد وأضحك علي زهوله
ححكي و أبكي علي الي صار و الي كان
و الي جي كمان
ححكي حكاية ليل ضاع منه القمر
وححكي حكاية نهار طالع من بعد سهر
ححكي حكاية الأنا و ححكايها في كل مكان
ححكي و لو مسمعش حد مني الكلام
ححكي لقلبي عن معني حب عمره معاش
و ححكي لعمري عن طريق منتهاش
ححكي لنفسي و أعزيها
عن موت أقرب ما كان ليها
ححكي و أبكي للزمن و الدنيا و الأيام
عن حاجة ضاعت مني ومش عارف بكام
ححكي
7 comments:
احكي
واحنا هنسمع
:)
السلام عليكم
قبل ما تحكي عايزة اعتذر لك عن عدم سؤالي عنك طوال الفترة الماضية ,,كان غيابك مريب لكن قلت أكيد بيذاكر لكن برضه كان المفروض أسال ..فهل الحكاوي لها علاقة بالغياب ده
ربنا يصلح لك شأنك كله
وأعتذر لعدم السؤال
esraa
يا رب انا الي اسمع
مجداوية
ربنا يخليكي يا رب
انا بس محتاج دعاويكي
بجد
متشكر قوي قوي قوي
السلام عليكم
ربنا ييسر لك كل عسير ويزيل همك وغمك وتنال رضاه وكل ما تتمنى ,, ومن توكل على الله فهو حسبه ,,فاستعن بالله ولن تجد مثله معين
افتقدت كلامك والله يا تعبان وتاعبني
:)
ربنا يصلح حالك يارب
سعدت بالمرور من هنا..
تحياتي
كلامك جميل وسنسك عالى
بس دفعتوا كام فى السمان :D
كنت تقضيها كشرى من عند المدهش ولا الصاروخ وتخلص
Post a Comment