طريقة التحضير
حضر روحك الشريرة و فرخة و بصل مبشور و عدد 2 ليمون و التوابل الي عندك كلها
اغسل الفرخة جيدا بالماء و أحرص علي ان لا يمس الماء ما بداخلك من كبت السنين حتحتاجه جدا
احضر زجاجة و اغسلها ايضا جيدا
املأ الزجاجة بالماء و اسكب فيها كل ظلم و قهر و أستعباد شعرت به يوما ما حتي تتمتلاء عن أخرها
(ضع كل ما سبق امامك و أنظر اليه بعين دامعة (متقلقش البصل حيقوم بالواجب و زيادة
احضر صنية و أملأها حتى منتصفها بالماء و ضع بها الزجاجة
احشي الفرخة برفق فا ما هو اتي كفيل علي ان يكفر لها ما تقدم و ما تأخر من اعمال
امسك الفرخة بروحك الشريرة من منتصفها و اغرسها في فوهة الزجاجة حتي تتستريح افكارك العدوانية أو تصل فوهة الزجاجة الي
حد رقبه الفرخة ايهما اقرب
ضع بغض التوابل علي الجسم الخارجي من الفرخة و تلذذ بطعم الانتصار
افتح الفرن من تحت علي الهادي خالص و ضع ما تبقي بداخلك من شفقة أو رحمة في اي مكان أمين بالمنزل
بالهنا و الشفا صدقني حتستريح خالص
1 comment:
نسيت اخر سطر انك لازم تعزم اخواتك
حتى المشاركة واجبة فى الامور دى
**************
مش عارفة ليه - رغم كونها مذبوحة - تعاطفت مع الفرخة و حسيت بغصة الضحية اللى بتصيغ نفسها فى ضحية بديلة
دمت بخير
Post a Comment