لفلسطين من قلبي سلام

غزة الحلم ام غزة الكابوس

عفوا

انا متضامن مع غزة

العالم منتهاش

بوش

لو تعرف انت اه بالنسبالي
كنت قلعت الجزمة و أدتهالي


انا مش زعلان غير علي الجزمة
طبقها زي مطبق دم العرب وخيرهم

أرض التناقض

انا حر زي الشجر جزره زاده وزواده
عايش مهما حصل ولو الكل ماتو

انا حر زي القمر يختفي بأوقاته
مهما يكون طوري نوري يحي الليل وماماته

انا ليلي لو كان حزين بيعدي وبطوله
يطلع نهاره عيد و اضحك علي زهوله

بس
مش عارف
مش فاهم
مش حاسس
انا صح انا غلط
انا ليه
كلها انا و اعوذ بالله من الأنا
بس مش مهم
كله بيفوت طول ما بنعبد المعبود
كل سنة و انتم أطيب و أقرب الي الله

عايز حقي

وزير الاستثمار: توزيع الاسهم المجانية على 20 مليون مواطن..ولا تفرقة بين مصرى واخر

حالة من الذهول أصابت رجل الشارع المصري بعدما عرضت الحكومة تنفيذ سيناريو الفيلم الكوميدي "عايز حقي"،

السهم مجاني
و العيشة عجباني
و الي يزعل مني
يجي يقعد مكاني
انا اسف يا مصر لكن
كدة بقي كثير
يترسيني علي التيتة
يا تقليلي بعدين
انا منك برده يا أما
و متربي علي اديكي
انت فاهمة قصدي و لا صوتي مش واصل اليكي


بعد ايه بتقلي خد هو انا كنت قلت هات ولا اكمن اللقمة باشت ومبقتش تنفع تبات
بعد متمص خيرها و الي فاضل فيها مفيش
جي بترماهالي و تقلي من خيرها عيش

أسكندرية في صورتين

تاج خفيف علي قلبي من ماما
المنتزة

مارينا شاطيء 22

الصورة دي لايف مش فوتو شوب

و دي كمان مفيهاش اي لعب
بسيين الفور سيزون

وده لينك لجروب علي الفيس بوك فيه صور للأسكندرية من ايام الأبيض و الأسود و ماقبل صناعة الأحبار
دووووووس

مش عايز اتكلم تاني عن اسكندرية
لأني حاسس اني فعلا حبقي ممل
بس هو أختصار اسكندرية في صورتين
البحر و السماء

زي منت عايز انا عن نفسي دايس

اربع قضبان و في النص فانوس
يفيد بأيه النور في السجن يا منحوس
دي عيشة وارمة و السماء ضالمة
وانت كدة او كدة محبوس
آل اه بيقلي حرية
كتك ستين خيبة قوية
هو في قضية
و لا انت فالح بس ترددلي الأغنية
و تستني غيرك يمحي الامية

الله ير حمك يا أسكندر يا كبيييييييير
اترقو عليك و قالو سلمتها علي المفتاح والي مش متربي فيها ميرتاح
طب يفيد بأيه البحر و هو كله املاح
تفيد بأيه الشمس و هي من غير سقف يضلل علينا سلاح
و يفيد بأيه الموج و هو كل ما يقرب ينزاح
و يفيد بأيه القلم
و يفيد بأيه الكتاب
و يفيد بأيه الحرب والسياسة و السلام
و يفيد بأيه
و يفيد بأيه

فات المعاد

اسكندرية هي اسكندرية

انا المصري انا الكبير
انا الي لا بقع و لا بطير
انا الي متربي في حوريها
و شارب من مجاريها
انا الي لفيت ضوحيها
و برده رضيت بيها
انا الي عشقتها و حبتها
كأني كاتب عليها
اسكندرية
مكنتش ناوي اكتب في رمضان بس قريت مدونة بنيكة شاي
رجعتني لأيام ثانوي و الدروس
افتكرت ان مصر مش الدويقة و منشية ناصر و السلام 2000
و لا اسكنرية عزبة الرحمة و حجازي و الناس الي مش لقية تفطر في رمضان و بس
في وسط كل دول مصر لسة بخير
منهم و بيهم و عندهم ضحكنا و هزرنا و فرحنا بجد
لسة فيها عمو فؤاد و ابو نسمة وعم عباس لسة فيها رطوبة بحري و ريحة سمك الصيادين
لسة فيها تيسون لو خف جسمه كفاية اسمه و احجارة الكريمة في ليالي زمان في جليم علي البحر
لسة عبود ممامتش ولا حسن كوباية احتضر
لسة النورس فاتحة و الصباحي بتنزل شاي
لسة عايشة بدمها و ناسها
لسة بسمع ايووووووه من قبل مخش بحري
لسة فيها العجمي و البيطاش و الهانوفيل
لسة فيها ابوقير
و البحر الميت و جزيرة ويلسون و الحناطير
لسة اسكندرية اسكندرية
من ايام الأسكندر و هي اسكندرية
ليها لون تاني و ريحة تانية و شكل تاني و جو تاني
بمطرها بطينها ببحرها بقطرها بترعها بشورعها المتكسرة بعشوقيتها هي الاسكندرية
عمر ما العشوقيات نقصتها
ولا الأبراج زودتها و جملتها
جمال الأسكندرية في رحتها و لون سماها و لمعتها و ليلها و لسعة شتاها و حرارتها
جمالها كلها علي بعضها في تناقضتها
ولو لم اكن اسكندرانيا
مكنتش حتفرق معايا

شباب للتصدير

السلعة بالمفهوم الخاطيء؟

اولا
صراحة انا الي غبي
المواطن المصري مش رخيص هو غالي
بس زي اي سلع ثانية
محططلو ليمت وستج يعني( نافق)
يعني مش مهم يموت في اليوم كام واحد
الف في عبارة
كام واحد علي كرنيش اسكندرية كام اتوبيس علي الصحراوي ولا الزراعي ولا الساحل اشطة
و لما ركزت لقيت بعد كل كارثة بيتوستج فيها كتير بيلمو الليلة شوية علشان اليميت الي محطوط لعدد النافق ميزدش
ودي تجاريا بتعتبر خسارة
في مزارع الفراخ المعقول و الي ميقلقش علي كل الف فرخة كل يوم 2 و لا 3

ثانيا
المواطن المصري و بالأخص في اجمل و اعزب مراحل حياته
بيعتبر سلعة جيدة للتصدير
بيتزود بيها ميزان المتحصلات و بيقل بيها ميزان المدفوعات للدولة وده طبعا للحفاظ علي شكل الميزان التجاري الدولي للدولة يبقي متوازن و زي الفل
وده بيبان في فترة الاجازات في معظم مطارت الجمهورية العدد الهائل للشباب المتردد علي البلد
الغريب في الأمر ان الشاب المصري زي اي سلعة اخري قبل ميتصدر رسمي بيمر بفوحصات و بيخلصلو ورق زي ورق الجيش مثلا
و برده بيتصدر برا و بحرا و جوا
و في منهم الي بيتهرب علي مراكب
و الي بيطلع بأنفويس
يعني الشاب المصري يتشابه جدا مع اي سلعة تصدر عالميا
من تاريخ صنع(سنة التحرج)مثلا
و جودة فرز اول ولا ثاني ولا ثالث(التقدير مقبول،جيد)مثلا
بس ملهوش نفس درجة الحماية الي بتفرضها الحكومات علي السلع الي بتتصدر خارجيا
لذلك ارجو لو انا سلعة للتصدير
و اتكتبلي اتباع مبقاش وستج قبل مخلص مراحل انتاجي(منا لسة مخلصتش كلية)والا خدت ختم الجيش واستوفيت اوراقي الرسمية
ان تشرف عليا وزارة التجارة الخارجية لحين وصولي الي الأراضي المكتوبة عليا

نرجوعدالة التوزيع

هو انت فعلا امي و لا انا ابن حرام
انت ادري
انت الي عارفة
كنت بقول زمان انك بتربيني
و لما لقيت نفسي بكبر في جو زبالة كله ناس قالعة و بتشرب و بتعمل كل حاجة قال عليها ربنا حرام زي معلمتيني و انت راضية و ساكتة و بتحميهم و لو عملت زيهم حتحميني قلت بتمدينيني و تشخلعيني
لما كنت بمشي في شورعك وانا طهقان و مخنوق من الي حصل فيكي ولسة بيحصل كنت بستناكي تمدي ايدك و طبطبي عليا و ترحميني
كنت بكبر و بستناكي بقي تظبطيني و تجوزيني و تجهزيني وتشغليني و تخديني في حضنك وعمري مفكرت انك حترميني
ما انت الي ربتيني
اديني كبرت يا ماما
و خلاص كلها سنة و اتخرج
هو صحيح حتوظفيني
و في وحدة كدة معجب بيها بس ابوها بيقلي شقة
حتجوزيني
قوليلي طمنيني
مش بعتب عليكي ان شارعي بايظ يأمي الا لما شفت شارع اخوايا
ولا يوم زعلت من الضلمة والكتمة الا لما شفت النور متصلت علي اخويا
و لا في يوم حسيت بالجوع الا لما شفت الي بيترمي من علي سفر اخوايا
ولا يوم حسيت بالعطش الا لما شفت الي بيشربه اخويا
ولا يوم حسيت اني حيوان مهان الا لما شفت ازاي بيتعامل اخوايا
يا ماما مش كلنا اخوات و كلنا لينا نفس العنوان
فين عدالة التوزيع يأمي
ان مش ببص لحد
دا رزق
بس الرزق ده ميبقاش من عرقي وشقايا ودمي
انا لو عليا راضي
اكل الي يترميلي واشرب الي يتشورلي عليه
بس
ولادك زعلانين
ولاد البطة السودا تعبو
و بعتنلك
انت امنا ولا احنا ولاد حرام

سفينة نوح

مفيش حد فينا ميعرفش سيدنا نوح و لا سفينة نوح ولا قصة سيدنا نوح
بس مين فكر في عظمتها
لحد فترة قريبة كنت بعتبر سفينة نوح مجرد قصة بحب اسمعها لحين لأخر
لحد ما لأول مرة فكرت فيها
هو لولا سيدنا نوح مش كانت البشري انتهت؟
هو مش سيدنا نوح هو الي نقل الحضارة معاه علي السفينة دي؟
هو السبب في وجودي ووجودك دلوقتي
ايوة هو الي نقل الحضارة هو الي حط علي السفينة ذكر و انثي من كل مخلوق علي وجه الارض
هو الي واجه كلام الناس لما قالو في حد يبني سفينة في الصحراء بعيدة عن اي شط او اي مينا
قد كدة كان شخص متزن قوي مرن عارف هو عايز اه و ليه
و الأكثر من كدة ايمانه بالله سبحانه و تعالي
انه يكرث حياته لبناء سفينة ينقظ بيها البشرية
مكان ممكن يبني فلوكة و لا جي تي سكيت يتنقظ بيه لوحده ويمتلك الارض و ما عليها

يا تري ممكن نلاقي في زمنا نوح يفكر في الناس و ميفكرش في نفسه و بس
يفكر في النيل و الاهرمات و الاسكندرية و الاقصر و اسوان و مصر و ينسي كرسي مجلس الشعب و الحصانة و فيلا بورتو
يتري في حد حيكرس حياته بجد علشان يبني مصر ميبنيش عزبة ليه ولعياله و عيال عياله من بعده
يا تري في حد حتي حينفخ عوامة و يرمهلنا
بلاش
في حتي قيطان بجد حيقدر يرسينا علي اي مينا من موانينا
يضمنلنا بكرة و يحمينا و يرجعلنا جزء من كرمتنا
نفسي اعيش لحد مشوف نوح الالفية الثالثة
نوح الي بيفكر فينا مش الي يطلع علي كتفنا و يدوس علينا

لمن يمنح حق الفيتو

فيتو (Veto) تعبير لاتيني معناه ( انا امنع ) و هو يستخدم اصطلاحا في القوانين الدستورية و الدولية بمعنى حق الاعتراض ، اى اعتراض شخص او هيئة على اصدار تشريع مقترح ، و بعض الدساتير منحت الدول و الرؤساء حق الفيتو ، مثل الدستور الانجليزي الذي منح الملك هذا الحق ، لكن لم يستخدم اى ملك انجليزي هذا الحق منذ عام 1707 م .... و كذلك الدستور الامريكي الذي منح الرئيس حق الاعتراض على مشروعات القوانين التي يقترحها الكونجرس ( البرلمان الامريكي بشقيه : مجلس الشيوخ و مجلس النواب ) ... و لكن الدستور ايضا رسم طريقة التغلب على هذا الفيتو و هو الحصول على موافقة ثلثى اعضاء الكونجرس على المشروع المقترح ، و في هذه الحالة يصبح قانونا حتى دون الحاجة لتوقيع الرئيس الامريكي عليه

علشان منسبش باقي الشيت فاضي

دي نبذة عن احد الشخصيات المحببة لقلبي لدرجة الجنون

احمد عز
رجل الصناعة المصرية
و بب الحديد علي مستوي الشرق الاوسط
و بب الحزب الوطني الحزب الحاكم وحزب الاغلبية

أنا مصري

أنا مصري
و أبويا عنده 70 مليون نسمة وعنده كام في المية اومية
وعنده اعلي معدلات اوبئة و امراض علي مستوي المنطقة الي احنا عايشين فيها
و أعلي معدلات بطالة ولسة كان بيتخانق سنة 73
وكان في نكسة76
و احتلال برطاني و فرنساوي و تاريخ طويل من اللبش و الشكل و المفارقات المضحكة و المؤلمة
أنا للأسف متخلقتش مواطن برطاني ولا فرنساوي
ولا اتولدت من اصول هولندية و امي في الأصل ألمانية
انا اتولدت مصري الجنسية لأم و أب من اسكندرية
مش حقول اصلي شربت من نيلها و حفضل اغنلها
ولا بحر اسكندرية
انا حقول هو ده قضري و هو ده نصيبي و الحمد لله انها جبتني مصرية ومطلعش ابويا صومالي و امي مورتانية
هو اينعم كل يوم بنشحت عن الي قبله
بس ادينا لقيين لقمة العيش
مش مشكلة ان البنزين غلي بس اه احنا احسن من غزة الي مش لقياه
اينعم الشقق مرميا قدمنا و مش عارفين نشتريها بس اه احسن متقع علينا
و اي نعم و اي نعم و اي نعم
اهي ماشية و بتعدي و ربنا معانا جميعا
أوعي تقول غير الحمد لله
و اوعي تعترض
كل الي يترميلك واشرب الي يتشاولك عليه
و اياك اسمعلك صوت
لا تقول اتجوز ولا تقول اجيب عيال
ما ياما قالولكم نظمو النسل نظمو النسل
مش عارفين
طب شوفو ميين بقي الي يفكر في النسل مش ينظمو
خليك كدة زي اخوك
تعباااان
جي من بلادي البعيدة لا زاد و لا مية و غربتي صحبتي بتحوم حواليه و أنتي تجوليلي بحبك تحبي اه فيا و ده حب ايه ده الي من غير أي حرية
وهي ماشية

ولا اعرف

أنا قلبي برج حمام هج الحمام سمه
أنا قلبي كان انسان هدر الزمان دمه
ولا يعرف معني الشفقة ولو حتي علي امه

حجات كتير عدت حوليا الفترة الي فاتت دي
كتيييير
بس لأول مرة خفت من نفسي
و خفت علي نفسي
حسيت اني حتي مملكش حبة شعرات
حسيت اني بسهولة اوي زي مببيع واحد صاحبي و في خلال اسبوع بنسي الملامح الأساسية في شكلة
بسهولة اوي ممكن ابيع بلدي
بسهولة اوي ممكن انسي ريحة هواء اسكندرية وطعم لسعة برد القاهرة و غروب الفيوم و الاسماعلية و حجات كتير قوي شدتني للبلد دي
اه سهلة قوي
انا اول حاجة فكرت فيها أهرب بجلدي و المتبقي من البرجين الي في مخي
دا حد شاري
ولا باقي علي حاجة
حصلي حالة من اليأس
مش من حال البلد لأ
الموضوع بقي متعلق بيا انا
ممكن الواحد يضحك علي الناس بس صعب قوي يضحك علي نفسه
بس لأ
انا بحبها
و بخاف عليها
بس هي الي بتبعني
كل منسالها حوار تطلعلي بحوار أصعب من الي قبله
بس انت كدة خلاص عايزة توصليني لايه
ابقي زي الي بيكرهكي و خلتيهم من كرههم يدمروكي
ولا زي الي متفرقيش معاهم بينوكي ولا يهدوكي
منت الي وصلتيهم لكدة
انت الي خليتيهم كدة دي عمايلك انت
خلي بالك! لا يجي يوم و متعرفيش تتصرفي
متعرفيش تصلحي الي كسرتيه فينا
كله الا لقمة العيش

بحبك مهما حصل

امتحانات

أمتحانات
أمتحانات
أمتحانات
أمتحانات

كل سنة و عليكي خييييييييير

كل سنة و أنت طيبة
و عقبال
علي قد متستحملي
تعبان

تاج

التاج الي دبست نفسي فيه بتاع ماما مجداوية
و أحب اقول تعليق صغير
متبصوليش بعين ردية انا ضهري اتقطم من العملية دية
مكنتش متخيل انه متعب كدة
بس الحمد لله تم بحمده
وايمانا مني بالقول
السان مترجم القلب
و اني بلسانين زي ما ماما بتقول
حعلق معني عارف انه صور بس
و تضامنا مع اخواني
مش حمرره لحد
الي عايز يعمل فيها 6 رجاله ملزوقين في بعض
يتفضل بس ميرجعش يزعل

إسمك

حيوان أليف تملكه

مليش في الحجات دي
بكلها بس

اوصف شكلك

دماغ و بطن ورجلين اكيد مش ماشي ببوقين يعني

ماذا تقود

ملكش دعوة

الحالة الاجتماعية
وحدي في الليل

البرنامج التليفزيونى المفضل
بعشقه

الحالة المزاجية

المطرب / الفرقة المفضل

الفيلم المفضل

محل الاقامة

محل العمل

اوصف نفسك

حتعمل ايه انهارده

لو لافف حتعرف

عملت ايه امبارح
كان أخريوم
good bye biovigion

الحلوى المفضلة

in my memory

smile better than cry,silence better than criticism,the action better than death,safe the event

ضاعت مني أزازة المية والطيارة مش راضية تطير

مكتوب عليا منام
احزان ورا احزان
حياة بلا احلام
وعمر ضايع كمان
لا دنيا تضحك ليا
لا ايد تحن عليا
ولا حتي قلب صغير في يوم يحس بيا
لا عتاب علي الايام
ولا شكر للاوهام
خلاص منا اتعودت
أخاف من الانسان
الي كان
جوعي علي اديه
و عرقي راح ليه
و عمري لو ضاع هدر
حيبقي السبب فيه
مستني منه كلام
حتي لو كان ملام
المهم
أعيش أنسان

فكرت كتير في التغير لحد ممليت
للأسف مش لاقي حل سعات بضرب نفسي بالجزمة أني متابع البلد
و متابح حالي و حال جراني و أخواتي
حتي البحر الي صاحبته و أمنتله علي اسراري
بيكرهوني فيه
بيقولولي بكرة ينط علي بتكم و خربه بالي فيه
سألت ليه
قالولي اللسنة الي علي البحر الي انت فرحان بيها وبتتمشي عليها
هي الي ضيعت شط اسكندري و كلت أراضيها
مد مد مد
مفيش جزر
لا لاقين عيش
ولا لاقين شغل ولا لقين الأهم راحة البال
اسرائيل من الشمال
و فقر من جوة و امريكا من برة
أنا مش حعاتب حكومة ولا حعاتب نظام
أنا بعتب علي بابا و ماما الي بدل ميسوبلنا ورث نتمتع بيه
بيخدو حقنا في خير بلدنا و تبيعوه لعدونا وعدو المسلمين
بدل متعلمونا السباحة و الرماية و ركوب الخيل
بدل متعلمونا الاستثمار و الصناعة و التجارة
بتعلمونا الأضراب و الثورات الهمجونية الغير منظمة
بدل متبنولنا بيت نتحمي ف
يه بتخربوه لحد متغورو منه و تسبوهلنا نموت تحتيه
لحد امتي حنفضل نسكت
ولحد أمتي البنج حيفضل مخدرنا
ما يتعدلوهلنا يا تبعوها بالمتر و مش عايزين حقنا
يا تعدلوها يا تهدوها بأيديكم وتسبونا نبنيها علي مزاجنا
متبوظوش و تقلولنا اعدلو متجبولناش نكسة وتقلوننا نتنحي
احنا ساكتين وحنفضل ساكتين
علشان أحسن حاجة عرفتو تعلموهلنا

الصمت

سيد درويش زوروني كل سنة مرة

سيد درويش

ذلك الفنان الذي لن ولم يمحي اثره الزمن
الذي لم يكن فقط موسيقار عبقري بل هو ايضا أحد رواد الحركة التنويرية الذي عاشت بهدف واحد
مستقبل اجمل وأفضل لمصر
مش حننسي انه كان حشاش
ومش حننسي انه كان فلاتي من الدرجة الأولي
مش حنكر اني بعشق غزله في قرش الحشيش
يمكن يكون بيعوضني مزاجه الي عمري مجربته
مش حنكر تصريحاته عن جسد المرأة
مش حنكر انه قال اوعي يمينك
مش حسدق حد غيره في ايه العبارة
مش حلاقي حد احسن منه يفكرني اشد الحزام زي ميكون عايش معانا
مش حسرح غير في اهو ده الي صار
مش حتنطط غير في دنجي دنجي
مش حقف غير بقوم يامصري
مش حفرح غير بالعزوبية
و الحلوة دي وزروني كل سنة مرة وبصارة وطلعت يا محلي نورها
و نشيد بلدي الي ياما رددته كل يوم الصبح وغيره من عبقرياته
الراجل ده بالحشيش وي وي وي
عرف يقف قدام عدو صريح
بمدفعه و جيشه علي ارض مصر
غيره اخرهم يعملو اوبرت ولا يغنو مشربتش من نيلها
و يروحو امريكا يولدو هناك علشان الجنسية
امبارح كان الاحتفال السنوي لذكراه
شرفني اني اروح وسط اهله وناسه كوم الدكة علي اقرب نقطة من بيته ومن غرزته الي ياما شد فيها وطلع ابداع غنائي و نضالي
مش يهمني هو كان ايه انا مش ححاسبه ربنا الي بيحاسب
يهمني هو عملي اه
الفن رسالة و مش اي رسالة رسالة قوية
الحفلة كانت في الشارع زي اي فرح بلدي
شميت فيها ريحة اسكندرية وشربت كوباية شاي في قهوة في حواري حواري كوم الدكة
و سمعنا اغانيه باصوات جديدة بس لسة فيا ريحته العتيقة الي عمر الزمن ميمحيها
ده لينك سيد درويش علي الويكبيديا
يا ريت نعرف عظمة شخص عاش 31 سنة
عرف يعمل الي غيره معرفش يعمله في 60
من حب وعطاء ودعاء
الله يرحمك يا شيخ سيد
يا ريت ندعولو بالرحمة لأنه ميستهلش غيرها
و ربنا يكرمنا بسيد جديد يهون علينا ويصحنا

أكتب يازمان.....سجل يا تاريخ

أكتب يا زمان سجل يا تاريخ
سجل من قلبي أخطر تصريح

خلاص أنا حرجع تاني تعبان الأنسان مش حبقي انور
بركولي
أنا مستريحتش في أنور مش عاجبني
أيوة مش عاجبني
أيه
أنا مش عاجبني
أيوة في حاجة!
بتبصلي ليه غريبة
عمرك معجبتش نفسك
عمرك ما قلت انا مش عايز انا
طب كام مرة قلتها
كام مرة قلت انا عايز ارجع زي زمان
متقلش ياه قول للزمان ارجع يا زمان
انت الي حترجع مش هو
خليك جامد لو مش عاوز نفسك سبها
لو مش عجباك شخصينك أرميها
اقوي حتي لو علي نفسك متسبش الأيام تجري بيك متسبهاش تبيعك وتشتريك
الي تعرف تصلحه صلحة و الي مينفعش
متفكرش أرميه
الي نفسك تعمله أعمله
متخليش عربية تحرمك من أنك تتمشي علي البحر ولا تقف في الشمس تستني الميكروباس
ياااه
وحشتني كلمة السواقين الأجرة جني ومحدش يقلي نازل عصاقرااااااا
نفسك في تي بسكر تموين علي المعفنة
يلا بينا
نفسك تبقي من الشعب أستقيل
نفسك متتشتمش ويدعو عليك أتنازل
نفسك في أه
أعمله العمر مرة واحدة
جرب تعيش الأحساس
المتعة في الحياة مش الرفهيات
المتعة في الرضا انت راضي بأيه مش بالمال ولا الجاه ولا الحكم
فكر كويس!
وسدقني بالنسبة ليا مفيش احسن من تعبان الي عمره مكان جبان
بالنسبة لييك ميين؟
فكر و قرر و انت المسؤل..................أنت المسئول

أنا كدة......وحدي

تعدي الدقة والثانية تضيع سانية ورا سانية وتدبل وردتي في ايدي كأني لوحدي في الدنيا
(مجروح صوت السعات)
ده اسمه ظلم

احنا الي بنجرح نفسينا
عايزين كل حاجة في وفت واحد
بس انا حقول لأ
انا اخترت ده
وبأديا

علشان اعرف احافظ علي ده

ويولع ده
المهم اوصل لده

منظلمش نفسينا و نرمي كل حاجة علي الدنيا
ونقول هي الي عملت فينا كدا
احنا الي بنتحكم في نفسينا
دايما ظالمين الدنيا يوم متلطش معانا نشتمها ويوم متيجي في صفنا نقول ده حظ
لأ
انا حقولها لأ
لا انتي الي بتديني ولا انتي الي بتخدي مني
انت جماد بيتحرك بقدرة الله
مفيش بأديكي حاجة
مش حشتمك تاني
ولا حبوسك تاني
حرضا بقدر ربي
و حشكر ربي
و حرضا بقراري و حتحمله
مش حظلمك تاني ولا حديكي اكتر من حقك
انا الي بختار بأديا ومحدش بيضربني علي أيدي
و انا اخترت اني ابقي كدة
ومش حغير نفسي الا لما اقتنع
مش علشان انت حتجبريني باساليبك اني ابقي غير كدة
انا كدة ومعنديش غير كدة

حملة حماية د عمرو خالد

مدة الحملة خمس اسابيع
يا ترا حنقدر نعمل حاجة
مع عمرو خالد
اظن

المشكلة ان هدف الحملة بعيد كل البعد عن الحياة
مينفعش نعالج المرض من غير منقدي علي الفيروس
طب قدامنا 5 اسابيع كل المدمنين بقو زي الفل
طب بعد الخمس اسابيع
ما التجار و الديلرز زي مهما
بالعكس اقتصاديا انت ممكن تعمل نقص في الطلب علي الحشيش مما يقدي زيادة في العرضحيروح عاملك انخفاض في السعر وعييش وكانك يا ابو زيد ما غزيت لغية ما يوصل لسعر التوازن تاني 10 جنيه للتناية و 30 للؤية حسب اخر قائمة اسعار لهاني الونش.
فتفتحلهم عملاء جدد نتيجة لأنخفاض السعر و اكيد كل الي عندك مش حيرجعوا تمام دا الكيف ربنا ميوريك زله فحتمال تفتحلهم سوق اكبر
لازم مكافحة المخدرات او وزارة الداخلية كمان تتحرك زي دبي و مكتب الأمم المتحدة لمكافحة الجريمة والمخدرات
طب ممتاز ان المجتمع المدني يتحرك
بس مش ينفع لوحده لازم ادارة مكافحة المخدرات (مصر) علشان تبقي اقضيت علي حبة من الديلرز علي الأقل
الي عاملين زي النمل
انا مرة ايام المدرسة واحد صاحبي قالي تعالي معايا حعملك زيارة ميدانية يوريني فيها اهم معالم الأصعي (مقليش حجبلك شوكلاته) المهم نزلني معاه الاصعي هو من هناك
دي حتة معروفة اوي في الاسكندرية منبع من منابع الهاش
المهم اول منغمرنا في المنطقة مبدأيا الشوارع تعدي اثنين عافية و طول منا ماشي "عندي سنف يستاهل سدرك ازعموم" صاحبي دا تابعي ابيصي
الناصية او العمارة الي بعديها"محدش حيديك بسعر زي ده أرفيئي" صاحبي دا تابعي امفرمة
بيتباع زي الحضار في السوق فسألت صاحبي
هو ازاي بيبيعو كدة مش خايفين
قالي الظابط الي يخش هنا يفرمطو أمو
و فعلا مينفعش حد يخش حلها تتهد علي فيها مفيش خطة حرب تقدر تفتح ثغرة للقبض علي واحد منهم الالعن الي يخش لوحدة ميعرفش يطلع مغارة ما بعدها مغارة
كدة الآفة زي مهي دي تجارة و تجارة كبيرة و عندهم تعويرة الوش مفيهاش معلش
انت بتحارب تجار مخدرات مش بتوع دهب في الزنئة ياعني اخاف علي دكتورنا كمان ليعملوها معاه
انا حابب اوي اني اشارك بس
محسش اني بنفخ في قربة فيها فتحة وهي التجار
بس انا برده حشارك بالي اقدر عليه لأن اكيد دكترنا فاهم عنننا و عارف هو حيعمل اه