in my memory

smile better than cry,silence better than criticism,the action better than death,safe the event

ضاعت مني أزازة المية والطيارة مش راضية تطير

مكتوب عليا منام
احزان ورا احزان
حياة بلا احلام
وعمر ضايع كمان
لا دنيا تضحك ليا
لا ايد تحن عليا
ولا حتي قلب صغير في يوم يحس بيا
لا عتاب علي الايام
ولا شكر للاوهام
خلاص منا اتعودت
أخاف من الانسان
الي كان
جوعي علي اديه
و عرقي راح ليه
و عمري لو ضاع هدر
حيبقي السبب فيه
مستني منه كلام
حتي لو كان ملام
المهم
أعيش أنسان

فكرت كتير في التغير لحد ممليت
للأسف مش لاقي حل سعات بضرب نفسي بالجزمة أني متابع البلد
و متابح حالي و حال جراني و أخواتي
حتي البحر الي صاحبته و أمنتله علي اسراري
بيكرهوني فيه
بيقولولي بكرة ينط علي بتكم و خربه بالي فيه
سألت ليه
قالولي اللسنة الي علي البحر الي انت فرحان بيها وبتتمشي عليها
هي الي ضيعت شط اسكندري و كلت أراضيها
مد مد مد
مفيش جزر
لا لاقين عيش
ولا لاقين شغل ولا لقين الأهم راحة البال
اسرائيل من الشمال
و فقر من جوة و امريكا من برة
أنا مش حعاتب حكومة ولا حعاتب نظام
أنا بعتب علي بابا و ماما الي بدل ميسوبلنا ورث نتمتع بيه
بيخدو حقنا في خير بلدنا و تبيعوه لعدونا وعدو المسلمين
بدل متعلمونا السباحة و الرماية و ركوب الخيل
بدل متعلمونا الاستثمار و الصناعة و التجارة
بتعلمونا الأضراب و الثورات الهمجونية الغير منظمة
بدل متبنولنا بيت نتحمي ف
يه بتخربوه لحد متغورو منه و تسبوهلنا نموت تحتيه
لحد امتي حنفضل نسكت
ولحد أمتي البنج حيفضل مخدرنا
ما يتعدلوهلنا يا تبعوها بالمتر و مش عايزين حقنا
يا تعدلوها يا تهدوها بأيديكم وتسبونا نبنيها علي مزاجنا
متبوظوش و تقلولنا اعدلو متجبولناش نكسة وتقلوننا نتنحي
احنا ساكتين وحنفضل ساكتين
علشان أحسن حاجة عرفتو تعلموهلنا

الصمت

سيد درويش زوروني كل سنة مرة

سيد درويش

ذلك الفنان الذي لن ولم يمحي اثره الزمن
الذي لم يكن فقط موسيقار عبقري بل هو ايضا أحد رواد الحركة التنويرية الذي عاشت بهدف واحد
مستقبل اجمل وأفضل لمصر
مش حننسي انه كان حشاش
ومش حننسي انه كان فلاتي من الدرجة الأولي
مش حنكر اني بعشق غزله في قرش الحشيش
يمكن يكون بيعوضني مزاجه الي عمري مجربته
مش حنكر تصريحاته عن جسد المرأة
مش حنكر انه قال اوعي يمينك
مش حسدق حد غيره في ايه العبارة
مش حلاقي حد احسن منه يفكرني اشد الحزام زي ميكون عايش معانا
مش حسرح غير في اهو ده الي صار
مش حتنطط غير في دنجي دنجي
مش حقف غير بقوم يامصري
مش حفرح غير بالعزوبية
و الحلوة دي وزروني كل سنة مرة وبصارة وطلعت يا محلي نورها
و نشيد بلدي الي ياما رددته كل يوم الصبح وغيره من عبقرياته
الراجل ده بالحشيش وي وي وي
عرف يقف قدام عدو صريح
بمدفعه و جيشه علي ارض مصر
غيره اخرهم يعملو اوبرت ولا يغنو مشربتش من نيلها
و يروحو امريكا يولدو هناك علشان الجنسية
امبارح كان الاحتفال السنوي لذكراه
شرفني اني اروح وسط اهله وناسه كوم الدكة علي اقرب نقطة من بيته ومن غرزته الي ياما شد فيها وطلع ابداع غنائي و نضالي
مش يهمني هو كان ايه انا مش ححاسبه ربنا الي بيحاسب
يهمني هو عملي اه
الفن رسالة و مش اي رسالة رسالة قوية
الحفلة كانت في الشارع زي اي فرح بلدي
شميت فيها ريحة اسكندرية وشربت كوباية شاي في قهوة في حواري حواري كوم الدكة
و سمعنا اغانيه باصوات جديدة بس لسة فيا ريحته العتيقة الي عمر الزمن ميمحيها
ده لينك سيد درويش علي الويكبيديا
يا ريت نعرف عظمة شخص عاش 31 سنة
عرف يعمل الي غيره معرفش يعمله في 60
من حب وعطاء ودعاء
الله يرحمك يا شيخ سيد
يا ريت ندعولو بالرحمة لأنه ميستهلش غيرها
و ربنا يكرمنا بسيد جديد يهون علينا ويصحنا

أكتب يازمان.....سجل يا تاريخ

أكتب يا زمان سجل يا تاريخ
سجل من قلبي أخطر تصريح

خلاص أنا حرجع تاني تعبان الأنسان مش حبقي انور
بركولي
أنا مستريحتش في أنور مش عاجبني
أيوة مش عاجبني
أيه
أنا مش عاجبني
أيوة في حاجة!
بتبصلي ليه غريبة
عمرك معجبتش نفسك
عمرك ما قلت انا مش عايز انا
طب كام مرة قلتها
كام مرة قلت انا عايز ارجع زي زمان
متقلش ياه قول للزمان ارجع يا زمان
انت الي حترجع مش هو
خليك جامد لو مش عاوز نفسك سبها
لو مش عجباك شخصينك أرميها
اقوي حتي لو علي نفسك متسبش الأيام تجري بيك متسبهاش تبيعك وتشتريك
الي تعرف تصلحه صلحة و الي مينفعش
متفكرش أرميه
الي نفسك تعمله أعمله
متخليش عربية تحرمك من أنك تتمشي علي البحر ولا تقف في الشمس تستني الميكروباس
ياااه
وحشتني كلمة السواقين الأجرة جني ومحدش يقلي نازل عصاقرااااااا
نفسك في تي بسكر تموين علي المعفنة
يلا بينا
نفسك تبقي من الشعب أستقيل
نفسك متتشتمش ويدعو عليك أتنازل
نفسك في أه
أعمله العمر مرة واحدة
جرب تعيش الأحساس
المتعة في الحياة مش الرفهيات
المتعة في الرضا انت راضي بأيه مش بالمال ولا الجاه ولا الحكم
فكر كويس!
وسدقني بالنسبة ليا مفيش احسن من تعبان الي عمره مكان جبان
بالنسبة لييك ميين؟
فكر و قرر و انت المسؤل..................أنت المسئول

أنا كدة......وحدي

تعدي الدقة والثانية تضيع سانية ورا سانية وتدبل وردتي في ايدي كأني لوحدي في الدنيا
(مجروح صوت السعات)
ده اسمه ظلم

احنا الي بنجرح نفسينا
عايزين كل حاجة في وفت واحد
بس انا حقول لأ
انا اخترت ده
وبأديا

علشان اعرف احافظ علي ده

ويولع ده
المهم اوصل لده

منظلمش نفسينا و نرمي كل حاجة علي الدنيا
ونقول هي الي عملت فينا كدا
احنا الي بنتحكم في نفسينا
دايما ظالمين الدنيا يوم متلطش معانا نشتمها ويوم متيجي في صفنا نقول ده حظ
لأ
انا حقولها لأ
لا انتي الي بتديني ولا انتي الي بتخدي مني
انت جماد بيتحرك بقدرة الله
مفيش بأديكي حاجة
مش حشتمك تاني
ولا حبوسك تاني
حرضا بقدر ربي
و حشكر ربي
و حرضا بقراري و حتحمله
مش حظلمك تاني ولا حديكي اكتر من حقك
انا الي بختار بأديا ومحدش بيضربني علي أيدي
و انا اخترت اني ابقي كدة
ومش حغير نفسي الا لما اقتنع
مش علشان انت حتجبريني باساليبك اني ابقي غير كدة
انا كدة ومعنديش غير كدة

حملة حماية د عمرو خالد

مدة الحملة خمس اسابيع
يا ترا حنقدر نعمل حاجة
مع عمرو خالد
اظن

المشكلة ان هدف الحملة بعيد كل البعد عن الحياة
مينفعش نعالج المرض من غير منقدي علي الفيروس
طب قدامنا 5 اسابيع كل المدمنين بقو زي الفل
طب بعد الخمس اسابيع
ما التجار و الديلرز زي مهما
بالعكس اقتصاديا انت ممكن تعمل نقص في الطلب علي الحشيش مما يقدي زيادة في العرضحيروح عاملك انخفاض في السعر وعييش وكانك يا ابو زيد ما غزيت لغية ما يوصل لسعر التوازن تاني 10 جنيه للتناية و 30 للؤية حسب اخر قائمة اسعار لهاني الونش.
فتفتحلهم عملاء جدد نتيجة لأنخفاض السعر و اكيد كل الي عندك مش حيرجعوا تمام دا الكيف ربنا ميوريك زله فحتمال تفتحلهم سوق اكبر
لازم مكافحة المخدرات او وزارة الداخلية كمان تتحرك زي دبي و مكتب الأمم المتحدة لمكافحة الجريمة والمخدرات
طب ممتاز ان المجتمع المدني يتحرك
بس مش ينفع لوحده لازم ادارة مكافحة المخدرات (مصر) علشان تبقي اقضيت علي حبة من الديلرز علي الأقل
الي عاملين زي النمل
انا مرة ايام المدرسة واحد صاحبي قالي تعالي معايا حعملك زيارة ميدانية يوريني فيها اهم معالم الأصعي (مقليش حجبلك شوكلاته) المهم نزلني معاه الاصعي هو من هناك
دي حتة معروفة اوي في الاسكندرية منبع من منابع الهاش
المهم اول منغمرنا في المنطقة مبدأيا الشوارع تعدي اثنين عافية و طول منا ماشي "عندي سنف يستاهل سدرك ازعموم" صاحبي دا تابعي ابيصي
الناصية او العمارة الي بعديها"محدش حيديك بسعر زي ده أرفيئي" صاحبي دا تابعي امفرمة
بيتباع زي الحضار في السوق فسألت صاحبي
هو ازاي بيبيعو كدة مش خايفين
قالي الظابط الي يخش هنا يفرمطو أمو
و فعلا مينفعش حد يخش حلها تتهد علي فيها مفيش خطة حرب تقدر تفتح ثغرة للقبض علي واحد منهم الالعن الي يخش لوحدة ميعرفش يطلع مغارة ما بعدها مغارة
كدة الآفة زي مهي دي تجارة و تجارة كبيرة و عندهم تعويرة الوش مفيهاش معلش
انت بتحارب تجار مخدرات مش بتوع دهب في الزنئة ياعني اخاف علي دكتورنا كمان ليعملوها معاه
انا حابب اوي اني اشارك بس
محسش اني بنفخ في قربة فيها فتحة وهي التجار
بس انا برده حشارك بالي اقدر عليه لأن اكيد دكترنا فاهم عنننا و عارف هو حيعمل اه

تيت راديو مش عايز اصدقهم

دوس هنا
علاء القمحاوي تييت راديو
رابط صوتي

مش عايز اصدقهم بس كل البراهين معاهم
سمعت المديا حوالي 3 مرات عايز اقنع نفسي انهم بيهزو
طب بيهزرو
طب بيتريقو

اتكلم عن موضوع المركب الي غرقت قرب سواحل اطاليا بشبابنا واخوتنا بطريقة لذيذة ميحسهاش غير واحد داخل علي المرحلة الي مرو بيها
اتكلم عن مقولة متقلش خدت من مصر ايه قول اديت مصر ايه
متفكرش دمك الي بيسيح في سبنا وغيرها بيصوب في جيب مين
بصراحة لو كلامه صح يبقي فعلا مسمعش حد يتكلم عن الي خد 10 تلاف قفا علي فجأة
لأن حيبقي في 70 مليون اتسرقو علي سهوة
انا مش ناقص
مهما حصل بحبها وحفضل احبها
بس لحد امتي مش عايز في يوم اقول
من كتر حبي فيك خلاص انا قربت اكرهك
احنا رايحين فين
طب حد يطمنا انها لسة بخير
طب الواحد ممكن يشتغل حد يضحك علي حد
بس عيب يضحك علي نفسه

..........حد يوعينا

مدام حنموت عايشين ليه؟

مدام حنموت عايشين ليه؟

مطروح للمناقشة

بمعني

لو قلتلك اني حقبلك بكرة في المكان (س)

بس انا مش رايح

حتروح تستناني

نفس الفكرة

كلنا حنموت حقيقة لا مفر منها

طب ليه بنسعي و را الحياة

ليه كل همنا اننا نعيش

ليه بنسرق بعض

و بننصب علي بعض

و بنستعبد بعض

ليه مبنحبش بعض بجد

ليه بنافق بعض علي الملاء

ليه ليه ليه.....................

الموضوع ملهوش اي علاقة دينية علشان محدش يقلي انت شيوعي ولا مستجاني متتطرف

انا عارف طبعا اننا اتخلقنا علشان نعبد ربنا

بس لو دي الاجابة بس يبقي الي من غير دين انقرضو من زمان مهم معندهمش ربنا اساسا

شد لحاف الشتا مالبرد

امبارح بليل بسمع اغنية محمد منير و السماعة في ودني و بفكر في كلمة كلمة فيها

بعد ما ادي و بعد ما خد بعد هد و بني و احتد

شد لحاف الشتا مالبرد

بعد مالف و بعد ما دار بعد ما هدا و بعد ما صار

بعد مداب و اشتاق و احتار

حط الدبلة و حط الساعة حط سجايره و الولاعة

علق حلمه علي الشماعة علق حلمة علي الشماعة علق حلمه علي الشماعة

فكرت في الشخص ده لقته كل واحد فينا بيدي و بياخد و بيشغل علشان يبني نفسة و بيحب و بيتغرب و بيشتاق في غربته لحبيبته و يستريح شويه علشان يكمل المشوار و هو اقوي

بس بيجيلو يوم بيحط الدبلة ( حبيبته او مراته) و الساعة(مبيهمهوش الوقت ) و السجاير و الولاعة(و لا حتي كيفة سجايره و المدخن اكتر و احد يعرف يعني اه سجارة)

علق حلمه علي الشماعة(حتي حلمه الي سعي ليه طول عمره وعاش علشان اجله) شد لحاف الشتا مالبرد

حتي الجو متشابه مع الكلمات و الواحد محتاج يشد لحاف الشتا مالبرد وخير ربنا يجعله خير

اني لقيت نفسي علي خشبة المسرح
بس معرفتش انا دخلت مسرحية كوميدية و لا تراديجية مبكية
كل مسأل حد ميدينيش جواب
الكل بيرتجل و هو و اسلوبه
الي بمثل الخير و الي بيمثل الشر
ديكورات انوار مؤثرات عروض رقصات مش عارف اتصرف الستارة مفتوحة
تعبت و زهقت خلاص مش لاقي دور امثله حتي
دورت علي اي فراغ في المسرحية مش لاقي
حتي دوري دور الابن الاخ الطالب مش لاقيه و لا لاقي نفسي فيه
مش لاقي ديكور بيت و لا لاقي ام و لاقي اب
مش لاقي ديكور مدرج ولا لاقي تعليم
حتي دوري كصديق مش لاقي حد بجد يستاهل اني اجيد تمثيلي علشان ارضيه
كل واحد بيعمل الي عليه و خلاص
زي ميكون و اجب و اتكتب مش حاجة حببها و بعملها بأديه

مش لاقي نفسي علي الخشبة ولا لاقي كرسي فاضي مع الجمهور كله بيتفرج و مبسوط و انا مش عارف هو مبسوط من ايه الي بيضحك من قلبه علي حاجة هايفة و الي بيضحك مجاملة علشان المفروض يضحك

و الي بيعيط من قلبة و الي بيعيط مجاملة علشان المفروض يعيط وسط كل ده انا اروح فين لا علي الخاشبة ليا لازمة ولا لاقي كرسي مع الجمهور اروح فين طب انا جي منين .......

يا رتني كنت في غابة علي الأقل كنت عرفت انا فين

انا اسد و لا قرد ولا دودة ولامين

كنت حعرف حجمي و طبعتي و مكاني الي المفروض الي زيي يكون فيه

بس للاسف طلعت الغابة اسمي من المسرح الكبير

http://www.4shared.com/file/48686181/9b01e541/_____.html

this link to download the song

جواد بلا فارس

عندما نتحدث عن حياة سياسية في بلد يغلب عليها الديمقراطية يبقي أنت أكيد داخل الحدود المصرية وده بفظل حزب الأغلبية حزب الريس والمحروس الي فرحة الجمعة الجية

كان شعار الحملة الانتخابية نحو مستقبل أفضل للحكومة المصرية و لغية أمبارح مكنوش يعرفو انها دولة شيوعية و ان الدستور مكنش مية مية وكان الاستفتاء الي حط عليا وخلاها دولة بوليسية

بيقولو حنعمل أيه و احنا الاغلبية

بس

ربنا يخليلو القوات المركزية و الامن الصناعي و الحبشتكنات دية و يخليلنا أحنا العيش و الحلاوة بالفسدقية و المعتقلات الي مجهزة خدمة فندقية

بلاش نجيب سيرة السياسة الخارجية امريكا حبيبتنا و العلاقات مية مية ولا أسرائيل

التطبيع

بكرة مصر تكسب و تبقي دولة غنية

و العرب مش باينين اللحظة دية

هي دي أصول الحياة الأسرية

الداخلية السياسة الوزارة دي ملهاش دعوة بيا

آه دي حاجة مش علي النية المرور سليم و الطرقات حاجة أوروبية و الشرطة في خدمة الشعب والمطاليب علي وزارة التأمينات الأجتماعية

و كله بيشرب و بياكل و عايش عيشة هنية لا مجاري طافحة ولافي أمراض وبائية ولا في عبارة ولا في أغتيال جنود علي الحدود

الأسرائيلية ولا حقن بايظة ولا بلازما تعبانة شوية ولا علماءنا بيهربو ولا شبابنا بيموتو أمراض نفسية

آخر كلامي سلام للسلطات الوطنية مع أحترامي الشديد لمجلس الشعب وعم محمد بتاع المهلبية